unnamed


ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດແຫ່ງ ສປປ ລາວ ພ້ອມດ້ວຍຄະນະ ໄດ້ເດີນທາງໄປຮ່ວມ ກອງປະຊຸມຄວາມເປັນເລີດດ້ານຕຸລາການໃນການບໍລິຫານສານ ໃນລະຫວ່າງວັນທີ 11-15 ກັນຍາ 2018   ທີຣາຊະອານາຈັກໄທ ຕາມການເຊື້ອເຊີນຂອງ ທ່ານ ຊີບ ຈຸນລະມົນ ປະທານສານສູງສຸດ ແຫ່ງ ຣາຊະອານາຈັກໄທ.

ໃນວັນທີ 12 ກັນຍາ 2018 ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດແຫ່ງ ສປປ ລາວໄດ້ຮ່ວມກ່າວເປີດກອງປະຊຸມວິຊາການໃນຫົວຂໍ້ ຄວາມເປັນເລີດດ້ານຕຸລາການໃນການບໍລິຫານສານ ເຊິ່ງມີບັນດາປະເທດພາກພື້ນລຸ່ມແມ່ນໍ້າຂອງເຂົ້າຮ່ວມລວມມີ: ປະທານສານສູງສຸດ ແຫ່ງ ຣາຊະອານາຈັກໄທ, ປະທານສານປະຊາຊົນສູງສຸດ ແຫ່ງ ສປປ ລາວ, ປະທານສານປະຊາຊົນສູງສຸດ ແຫ່ງ ສສ ຫວຽດນາມ, ປະທານສານສູງສຸດ ແຫ່ງ ສະຫະພາບມຽນມາ ແລະ ທ່ານ ຮອງປະທານ ສານສູງສຸດ ແຫ່ງ ຣາຊະອານາຈັກກຳປູເຈຍ.

ໃນໂອກາດນີ້ ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ ແຫ່ງ ສປປ ລາວ ກໍໄດ້ພົບປະສອງຝ່າຍກັບ ທ່ານ ຊີບ ຈຸນລະມົນ ປະທານສານສູງສຸດ ແຫ່ງ ຣາຊະອານາຈັກໄທ ຊຶ່ງເປັນການພົບປະແລກປ່ຽນຄຳຄິດຄຳເຫັນ ແລະ ຮັດແໜ້ນຄວາມສາມັກຄີລະຫວ່າງຜູ້ນຳດ້ານຕຸລາການຂອງສອງປະເທດ ລາວ-ໄທ ໃຫ້ຄົງຢູ່ຕະຫຼອດໄປ.

 

ຂ່າວ: ອານຸພົນພົມຮັກສາ