ONE 8636 2


      ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດແຫ່ງ ສປປ ລາວ ໄດ້ຕ້ອນຮັບທ່ານ ຣີ ຢອງ ໂຊ (RI YONG CHOL) ທູດ ສປປ ເກົາຫຼີ ເຂົ້າຂຳນັບເນື່ອງໃນໂອກາດເຂົ້າຮັບ ຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ເກົາຫຼີ ຄົນໃໝ່ປະຈຳລາວ ໃນວັນທີ 3 ກັນຍາ 2018ນີ້ທີ່ສານປະຊາຂົນສູງສຸດ.

    ໃນໂອກາດດັ່ງກ່າວ ທ່ານ ປະທານສານປະຊາຊົນສູງສຸດກໍໄດ້ສະແດງຄວາມຕ້ອນຮັບຍ້ອງຍໍຊົມເຊີຍຕໍ່ທ່ານທູດຄົນໃໝ່ທີ່ໄດ້ຖືກແຕ່ງຕັ້ງມາດຳລົງຕຳແໜ່ງ ແລະ ປະຕິບັດໜ້າທີ່ການທູດຢູ່ ສປປ ລາວ ເຊິ່ງເປັນການປະກອບສ່ວນເສີມຂະຫຍາຍ ແລະ ຮັດແໜ້ນສາຍພົວພັນການທູດກໍຄືການຮ່ວມມືໃນດ້ານຕ່າງໆຂອງສອງປະເທດ ສປປ ລາວ-ສປປເກົາຫຼີ ທີ່ເຄີຍມີມາແລ້ວນັ້ນ ໃຫ້ນັບມື້ແໜ້ນ ແຟ້ນຍິ່ງຂຶ້ນ.

    ທ່ານທູດກໍໄດ້ກ່າວວ່າຈະຕັ້ງໜ້າປະຕິບັດໜ້າທີ່ການທູດທີ່ດີ ແລະ ພ້ອມແລ້ວທີ່ຈະປະກອບສ່ວນເສີ່ມສ້າງສາຍພົວພັນມິດຕະພາບ ແລະ ການຮ່ວມມືຊຶ່ງກັນແລະກັນໃຫ້ດີຂຶ້ນກວ່າເກົ່າ. ສປປ ລາວ-ສປປ ເກົາຫຼີ ໄດ້ສ້າງຕັ້ງສາຍພົວພັນການທູດນຳກັນມາແຕ່ໃນວັນທີ 24 ມິຖຸນາ 1974 ໃຫ້ຄົງຢູ່ຕະຫຼອດໄປ.

 

ພາບ - ຂ່າວ: ອານຸພົນພົມຮັກສາ