ONE 8306


     ຄະນະຜູ້ແທນສານປະຊາຊົນສູງສຸດ ສສ ຫວຽດນາມ ທ່ານ ຫງວຽນຮວ່າບິງ ເສນາທິການສູນກາງພັກ, ປະທານສານປະຊາຊົນສູງສຸດ ສສ ຫວຽດນາມ ພ້ອມດ້ວຍຄະນະມາຢ້ຽມຢາມ ສານປະຊາຊົນສູງສຸດ ແຫ່ງ ສປປ ລາວ ລະຫວ່າງວັນທີ່ 26-28 ສີງຫາ 2018 ໂດຍທ່ານ ຄໍາພັນ ສິດທິດໍາພາ, ກຳມະການສູນກາງພັກ ປະທານສານປະຊາຊົນສູງສຸດ ແຫ່ງ ສປປ ລາວ ພ້ອມດ້ວຍຄະນະການນຳຂອງສານຕ້ອນຮັບຢ່າງອົບອຸ່ນທີ່ສານປະຊາຊົສູງສຸດ.

    ໃນພິທິພົບປະສອງຝ່າຍໄດ້ທົບທວນຄືນການຈັດຕັ້ງປະຕິບັດກອບການຮ່ວມມືເຊັ່ນ: ໃນປີ 2003 ກ່ຽວກັບການຮ່ວມມືຂອງສອງຂະແໜງການສານປະຊາຊົນຂອງສອງປະເທດ ແລະ ວາງທິດທາງແຜນການຮ່ວມມື້ທັງສອງໃນຕໍ່ໜ້າ.      ເພື່ອເຮັດໃຫ້ການຮ່ວມມືແບບພິເສດຮອບດ້ານຂອງສອງພັກ-ສອງລັດ, ເວົ້າລວມ-ເວົ້າສະເພາະແມ່ນລະຫວ່າງສອງຂະ   ແໜງການໃຫ້ເຂົ້າສູ່ຮວງເລີກ ແລະ ສືບຕໍ່ຊ່ວຍເຫຼືອເຊີ່ງກັນ ແລະ ກັນໃນການຕັດສີນ ແລະ ພິພາກສາຄະດີຂອງສອງປະເທດ, ພ້ອມທັງໃຫ້ປືກສາຫາລືແລກປ່ຽນຄຳຄິດຄຳເຫັນທິດທາງການເຊື່ອມໂຍງພາກພື້ນ ແລະ ສາກົນ. ສານປະຊາຊົນສູງສຸດແຫ່ງ ສສ ຫວຽດນາມຈະໄດ້ສືບຕໍ່ຊ່ວຍເຫຼືອຝືກອົມຮົມໃຫ້ພະນັກງານຜູ້ພິພາກສາ, ຈ່າສານ ແລະ ພະນັກງານວິຊາການຂອງສານປະຊາຊົນສູງສຸດແຫ່ງ ສປປ ລາວ. ເຊີ່ງຜ່ານມາສານປະຊາຊົນສູງສຸດ ສສ ຫວຽດນາມໄດ້ມີການຊ່ວຍເຫຼືອຝືກອົບຮົມໃຫ້ສານປະຊາຊົນ ແລະ ໄດ້ສົ່ງຜູ້ພິພາກສາມາຝືກອົບຮົມໃຫ້ສານປະຊາຊົນ ສປປ ລາວ ອີກດ້ວຍ.

    ທ່ານ ຄໍາພັນ ສິດທິດຳພາ ປະທານສານປະຊາຊົນສູງສຸດ ແຫ່ງ ສປປ ລາວ ໄດ້ກ່າວຄຳຂອບໃຈຕໍ່ການມາຢ້ຽມຢາມຂອງຄະນະຜູ້ແທນສານປະຊາຊົນສູງສຸດ ສສ ຫວຽດນາມ ທີ່ມີນ້ຳໃຈມິດຕະພາບທີ່ເປັນມູນເຊື້ອສາມັກຄີພິເສດ ແລະ ຮ່ວມມືຮອບດ້ານລະຫວ່າງລາວ-ຫວຽດນາມ, ຫວຽດນາມ-ລາວໃຫ້ໝັ້ນຢືນຕະຫຼອດໄປ.

 

ພາບ - ຂ່າວ: ອານຸພົນພົມຮັກສາ