ONE 7903


     ເນື່ອງສູນກາງຊາວໜຸ່ມປປລນຳໂດຍທ່ານ ນາງ ວິລະວອນ ພັນທະວົງ ຮອງເລຂາຄະນະບໍລິຫານງານສູນກາງຊາວໜຸ່ມປປລ  ພ້ອມດ້ວຍຄະນະ ເຂົ້າອວຍພອນ ທ່ານ ຄຳພັນ ສິດທິດຳພາ, ກຳມະການສູນກາງພັກ, ປະທານສານປະຊາຊົນສູງສຸດ ທີ່ສານປະຊາຊົນສູງສຸດເນື່ອງໃນໂອກາດວັນສ້າງຕັ້ງສານປະຊາຊົນ ຄົບຮອບ 36 ປີ (15ສີງຫາ1982-15ສີງຫາ2018).

     ທ່ານ ນາງ ວິລະວອນ ພັນທະວົງ ກໍໄດ້ສະແດງຄຳຂອບໃຈທີ່ປະທານສານປະຊາຊົນສູງສຸດສະຫຼະເວລາຕ້ອນຮັບດ້ວຍຄວາມສະໜິດສະໜົມ ແລະ ມີບັນຍາກາດທີ່ດີ ພ້ອມທັງສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດຂອງສານປະຊາຊົນ 36 ປີຜ່ານມາ ເຫັນວ່າ ໄດ້ມີການຂະຫຍາຍຕົວຢ່າງກ້າວກະໂດດ ແລະ ກໍ່ມີທ່າອ່ຽງເພີ່ມຂຶ້ນເລື້ອຍໆ ແລະ ອວຍພອນໄຊອັນປະເສີດແກ່ຄະນະນຳສານປະຊາຊົນສູງສຸດ ພ້ອມດ້ວຍພະນັກງານຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ພ້ອມກັນເຮັດສຳເລັດໜ້າທີໄດ້ຮັບມອບໝາຍ.  ປະທານສານປະຊາຊົນສູງສຸດໄດ້ກ່າວຄຳຂອບໃຈ ແລະ ຕີລາຄາສູງຕໍ່ພາກສ່ວນ ດັ່ງກ່າວທີ່ເຫັນໄດ້ຄວາມໝາຍຄວາມສຳຄັນຂອງວັນສ້າງຕັ້ງສານປະຊາຊົນ ແລະ ກຳແໜ້ນຄວາມສາມັກຄີເຊີ່ງກັນ ແລະ ກັນຕະຫຼອດມາ.

 

ພາບ - ຂ່າວ: ອານຸພົນພົມຮັກສາ