ONE 7758


ONE 7766


     ໃນຕອນເຊົ້າວັນທີ 17 ສີງຫາ 2018 ທີສານປະຊາຊົນນະຄອນຫຼວງວຽງຈັນໄດ້ຈັດພິທີປາຖະກະຖາເລົ່າມູນເຊື້ອ ເນື່ອງໃນວັນສ້າງຕັ້ງສານປະຊາຊົນ ຄົບຮອບ 36 ປີ (ວັນທີ15/08/1982-15/08/2018), ໃຫ້ກຽດປະຖະກະຖາໂດຍທ່ານ ຄຳພັນ ສິດທິດຳພາ ກຳມະການສູນກາງພັກ, ປະທານສານປະຊາຊົນສູງສຸດ, ມີປະທານສານປະຊາຊົນນະຄອນຫຼວງ, ຮອງປະທານສານປະຊາຊົນນະຄອນຫຼວງ, ຜູ້ພິພາກສາ ແລະ ພະນັກງານເຂົ້າຮ່ວມ.

     ໃນພິທີຄັ້ງນີ້ ທ່ານ ຄຳພັນ ສິດທິດຳພາ ກຳມະການສູນກາງພັກ, ປະທານສານປະຊາຊົນສູງສຸດ ໄດ້ເລົ່າມູນເຊື້ອສານປະຊາຊົນ ໄດ້ກຳເນີດ ແລະ ເຕີບໃຫຍ່ຂະຫຍາຍຕົວຢູ່ໃນສະພາບແວດລ້ອມ ແລະ ເງື່ອນໄຂເອື້ອ ອຳນວຍທີ່ແຕກຕ່າງກັນ, ຜ່ານຜ່າຂໍ້ຫຍຸ້ງຍາກ, ສ່ິງທ້າທາຍ ທີ່ແຕກຕ່າງກັນ ແຕ່ບຸກໜ້າບືນຕົວສູ່ເປົ້າໝາຍ ອັນດຽວກັນຄື ການເປັນອົງການຕຸລາການ ເຮັດໜ້າທີ່ເປັນອົງການພິພາກສາຂອງລັດ ເພື່ອ​ດຳ​ເນີນ​ການ​ພິຈາລະ​ນາ​ຕັດສິນຄະດີ ແນ​ໃສ່​ສຶກສາ​ອົບຮົມ​ພົນລະ​​ເມືອງ​ໃຫ້​ມີນ້ຳ​ໃຈ​ຮັກ​ຊາດ, ຮັກ​ລະບອບ​ ປະຊາທິປະ​ໄຕ​ ປະຊາຊົນ, ປົກ​ປັກ​ຮັກສາ ​ແລະ​ ເສີມ​ຂະຫຍາຍ ໝາກຜົນ​ຂອງ​ການ​ປະຕິວັດ, ລະບອບ​ການ​ເມືອງ, ເສດຖະກິດ, ວັດທະນະ​ທຳ-ສັງຄົມ, ອົງ​ການ​ຈັດຕັ້ງຂອງພັກ, ອົງ​ການ​ຈັດ​ຕັ້ງຂອງລັດ,​ ແນວ​ລາວ​ສ້າງ​ຊາດ, ອົງ​ການ​ຈັດຕັ້ງມະຫາຊົນ ​ແລະ ອົງ​ການ​ຈັດຕັ້ງສັງຄົມ, ປົກ​ປັກ​ຮັກສາ​ສິດ​ຜົນ​ປະໂຫຍ​ດອັນ​ຊອບ​ທຳ​ຂອງ​ພົນລະ​ເມືອງ, ຮັບ​ປະກັນ​ຄວາມຍຸຕິ​ທຳ, ຄວາມ​ສະຫງົບ ​ແລະຄວາມ​ເປັນ​ລະບຽບ​ຮຽບຮ້ອຍຂອງ​ສັງຄົມ, ເພີ່ມ​ທະວີ​ນິຕິ​ທຳ, ກຳຈັດ ​ແລະສະກັດ​ກັ້ນ ການ​ລະ​ເມີດ​ກົດໝາຍ ຊື່ງນັບແຕ່ມື້ປະກາດສ້າງຕັ້ງສານປະຊາຊົນຂຶ້ນໃນປີ 1982 ມາເຖິງປັດຈຸບັນ.

     ທ່ານປະທານສານປະຊາຊົນສູງສຸດຍັງໄດ້ຊີ້ນຳ ແລະ ເນັ້ນໜັກບາງບັນຫາເພື່ອໃຫ້ສານປະຊາຊົນນະຄອນຫຼວງສືບຕໍ່ແກ້ໄຂບັນຫາທີຍັງຄົງຄ້າງໃນການຕັດສີນຄະດີ ເພື່ອແນໃສ່ແກ້ໄຂປະກົດການຫຍໍ້ທໍ້ທີ່ເກີດຂື້ນ, ພ້ອມທັງຊອກວິທີແກ້ໄຂໃຫ້ສອດຄ່ອງ ແລະ ຖືກຕ້ອງຕາມກົດໝາຍໄດ້ກຳນົດ. ເພື່ອສ້າງໃຫ້ສານປະຊາຊົນນະຄອນຫຼວງວຽງຈັນເປັນສານທີ່ໄດ້ຮັບການຍ້ອງຍໍຈາກປະຊາຊົນ ແລະ ປົກປ້ອງສິດຜົນປະໂຫຍດຂອງຊາດ ແລະ ປະຊາຊົນຢ່າງແທ້ຈິງ.

 

ພາບ - ຂ່າວ: ອານຸພົນພົມຮັກສາ