IMG 6466

 


    ສານປະຊາຊົນສູງສຸດ ໄດ້ຈັດງານໂຮມຊຸມນຸມສະເຫຼີມສະຫຼອງວັນສ້າງຕັ້ງສານປະຊາຊົນ ຄົບຮອບ 35 ປີ (15 ສິງຫາ 1982 - 15 ສິງຫາ 2017) ຂຶ້ນໃນວັນທີ 11 ສິງຫາຜ່ານມານີ້, ທີ່ຫໍວັດ ທະນະທຳແຫ່ງຊາດ ພາຍໃຕ້ການເປັນປະທານຂອງ ທ່ານ ຄຳພັນ ສິດທິດຳພາ ກຳມະການສູນກາງພັກ ປະ ທານສານປະຊາຊົນສູງສຸດ ໂດຍການເປັນກຽດເຂົ້າຮ່ວມ ຂອງ ທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນ ກາງພັກ ປະທານສະພາແຫ່ງ ຊາດ, ມີບັນດາທ່ານລັດຖະມົນ ຕີ, ຮອງລັດຖະມົນຕີ, ແຂກຖືກ ເຊີນເຂົ້າຮ່ວມຢ່າງຫຼວງຫຼາຍ. ໃນງານໂຮມຊຸມນຸມ ທ່ານ ຄຳພັນ ສິດທິດຳພາ ໄດ້ກ່າວ ບົດປາໃສເຖິງປະຫວັດຄວາມ ເປັນມາຂອງວັນດັ່ງກ່າວ ຊຶ່ງມີ ບາງຕອນວ່າ: ຜ່ານໄລຍະ 35 ປີ ແຫ່ງການສ້າງຕັ້ງ, ເຕີບ ໃຫຍ່ຂອງສານປະຊາຊົນ ພາຍ ໃຕ້ການນຳພາຂອງພັກ ປະຊາ ຊົນ ປະຕິວັດລາວ ແລະ ດ້ວຍ ຄວາມສາມັກຄີເປັນປຶກແຜ່ນ ແໜ້ນໜາ, ຜ່ານຜ່າທຸກຂໍ້ຫຍຸ້ງ ຍາກນາໆປະການ ແລະ ດ້ວຍ ຄວາມຮັບຜິດຊອບສູງຂອງຄະ ນະພັກ - ຄະນະນຳສານປະຊາ ຊົນແຕ່ລະຮຸ່ນ, ແຕ່ລະໄລຍະ ນັບແຕ່ສານສູງສຸດຮອດສານ ທ້ອງຖິ່ນທຸກຂັ້ນໄດ້ປະກອບ ສ່ວນສຳຄັນ ໃນການຄຸ້ມຄອງ ລັດ, ຄຸ້ມຄອງສັງຄົມດ້ວຍລະ ບຽບກົດໝາຍ, ປົກປັກຮັກສາ ຜົນປະໂຫຍດຂອງລັດ, ສິດ ແລະ ຜົນປະໂຫຍດອັນຊອບ ທຳຂອງປະຊາຊົນ, ຮັບປະກັນ ຄວາມເປັນລະບຽບຮຽບຮ້ອຍ ແລະ ຄວາມຍຸຕິທຳຢູ່ໃນສັງຄົມ ໂດຍໄດ້ເຄື່ອນໄຫວຢ່າງຕັ້ງໜ້າ ເພື່ອເຮັດສຳເລັດໜ້າທີ່ຕາມທີ່ ລັດຖະທຳມະນູນ ແລະ ກົດໝາຍ ກຳນົດໄວ້ ຊຶ່ງໄດ້ຮັບຄວາມ ໄວ້ວາງໃຈຈາກພັກ - ລັດ, ມີ ຄວາມເຊື່ອຖືສັດທາຈາກປະ ຊາຊົນ, ເຮັດໃຫ້ການຈັດຕັ້ງ ຂອງສານປະຊາຊົນ ແຫ່ງ ສປປ ລາວ ມີການປ່ຽນແປງ, ເຕີບ ໃຫຍ່ຂະຫຍາຍຕົວ ແລະ ພັດ ທະນາສືບຕໍ່ເນື່ອງມາ ຢ່າງບໍ່ຢຸດ ຢັ້ງ, ບໍ່ວ່າທາງດ້ານການຈັດຕັ້ງ ແລະ ບຸກຄະລາກອນໄດ້ສົມຄູ່ ກັບການຂະຫຍາຍຕົວທາງດ້ານ ເສດຖະກິດ - ສັງຄົມຂອງປະ ເທດ ໃນແຕ່ລະໄລຍະ, ມາຮອດ ປັດຈຸບັນການຈັດຕັ້ງຂອງສານ ປະຊາຊົນໃນທົ່ວປະເທດປະ ກອບດ້ວຍ ສານປະຊາຊົນສູງ ສຸດ 1 ແຫ່ງ, ສານປະຊາຊົນ ພາກ 3 ແຫ່ງ, ສານປະຊາຊົນ ແຂວງ, ນະຄອນຫຼວງ 18 ແຫ່ງ ແລະ ສານປະຊາຊົນເຂດ 40 ແຫ່ງ, ສານທະຫານ 4 ແຫ່ງ, ມີພະນັກງານທັງໝົດ 1.962 ຄົນ, ຍິງ 717 ຄົນ ໃນນີ້ມີຜູ້ພິ ພາກສາ 450 ຄົນ, ຍິງ 103 ຄົນ, ຜູ້ຊ່ວຍຜູ້ພິພາກສາ 389 ຄົນ, ຍິງ 135 ຄົນ, ຈ່າສານ 154 ຄົນ, ຍິງ 88 ຄົນ ແລະ ພະນັກງານບໍລິຫານ - ວິຊາ ການຈຳນວນໜຶ່ງ ພ້ອມທັງໄດ້ ເອົາໃຈໃສ່ຢ່າງຈົດຈໍ່ໃນການກໍ່ ສ້າງ ແລະ ບຳລຸງສ້າງພະນັກ ງານເຫຼົ່ານັ້ນໃຫ້ມີຄຸນທາດການ ເມືອງໜັກແໜ້ນ, ມີຄຸນສົມບັດ ສິນທຳປະຕິວັດ, ມີນ້ຳໃຈຮັກ ຊາດ, ຮັບໃຊ້ປະຊາຊົນດ້ວຍ ຄວາມຈົງຮັກພັກດີ, ມີຄວາມຮູ້ ຄວາມສາມາດທາງດ້ານວິຊາ ສະເພາະ, ວິຊາການ ແລະ ມີ ຄວາມຮັບຜິດຊອບສູງຕໍ່ໜ້າທີ່ ວຽກງານ, ກາຍເປັນກຳລັງແຮງ ສຳຄັນ ໃນການບໍລິຫານສານ, ບໍລິຫານຄະດີໃຫ້ມີຄຸນນະພາບ ແລະ ປະສິດທິຜົນ. ໄປຄຽງຄູ່ ກັບການກໍ່ສ້າງ ແລະ ປັບປຸງ ການຈັດຕັ້ງ, ການດຳເນີນຄະດີ ກໍໄດ້ມີການປັບປຸງໄປພ້ອມໆ ກັນ, ອັນໄດ້ເຮັດໃຫ້ການພິຈາ ລະນາຕັດສິນຄະດີມີຄວາມ ວ່ອງໄວ, ໂປ່ງໃສ, ຖືກຕ້ອງ ແລະ ໄດ້ຮັບຄວາມຍຸຕິທຳໃນ ສັງຄົມ, ປະກອບສ່ວນສຳຄັນ ເຂົ້າໃນການສຶກສາອົບຮົມພົນ ລະເມືອງໃຫ້ມີສະຕິເຄົາລົບ ແລະ ປະຕິບັດກົດໝາຍ, ກຳ ຈັດ ແລະ ສະກັດກັ້ນການລະ ເມີດກົດໝາຍ, ປະກອບສ່ວນ ໃນການສ້າງລັດແຫ່ງກົດໝາຍ ຂອງປະຊາຊົນ ໂດຍປະຊາຊົນ ແລະ ເພື່ອຜົນປະໂຫຍດຂອງ ປະຊາຊົນ, ເຮັດໃຫ້ສັງຄົມມີ ຄວາມສະຫງົບ ແລະ ເປັນລະ ບຽບຮຽບຮ້ອຍດີຂຶ້ນເທື່ອລະ ກ້າວ. ໃນໂອກາດນີ້ກໍໄດ້ປະດັບ ຫຼຽນກາລະນຶກ 35 ປີຂອງສານ ປະຊາຊົນໃຫ້ຜູ້ທີ່ມີຜົນງານດີ ເດັ່ນ ໃນການປະກອບສ່ວນ ເຂົ້າໃນການສ້າງສາພັດທະນາ ປະເທດຊາດ ໃຫ້ກຽດປະດັບ ຫຼຽນດັ່ງກ່າວໂດຍ ທ່ານ ນາງ ປານີ ຢາທໍ່ຕູ